کابل کې د ایرنا خبري آژانس د خبریال په خبره؛ کابل کې د ایران اسلامي جمهوریت د سفارت مسوولینو نن دوشنبې د غوايي ۱۰ مه پر خپله رسمي پاڼه لیکلي: هوکې په یووالي کولو شو نړۍ ونیسو! په تېرو ورستیو ورځو په ایران او افغانستان کې د دوه سپورتی خوښیو شاهدان یو، یعنې د دواړو هېوادونو د فوتسال ملي ټیمونو نړیوال جام ته لار ومونده.
د ایران د سفارت چارواکو زیاته کړې، دغو دوو سیالیو وښودله چې بریا په هڅو، زیار او ګډ کار سره ممکنه ده، د دواړو ټیمونو تکړه لوبغاړو او روزونکو ته مبارکي وایو.
په ورته وخت په مزارشریف کې د ایران د اسلامي جمهوریت د قونسلګرۍ مشر د دې ادارې په ایکس پاڼه کې لیکلي: په مزارشریف کې د ایران اسلامي جمهوریت قونسلګري د ۲۰۲۴ کال نړیوال جام ته د افغانستان د فوټسال ملي لوبډلې د لار موندنې مبارکي وايي.
د ایرنا د خبر له مخې، د افغانستان د فوټسال ملي لوبډلې پرون قرغزستان ته په ماتې ورکولو سره د لومړي ځل لپاره د ۲۰۲۴ کال نړیوال جام ته لاره پیدا کړه.
د پیغام پای/
Your Comment